बायोचार: उर्वराशक्ति वृद्धिका लागि दिगो समाधान

बायोचार एक दिगो कृषि प्रविधि हो, जुन बायोमासलाई कम अक्सिजनमा जलाएर बनाइन्छ। यस प्रक्रिया मार्फत कार्बनलाई सुरक्षित राख्ने र वातावरणमा कार्बनडाइअक्साइडको उत्सर्जन घटाउने कार्य हुन्छ। बायोचारको प्रयोगले माटोको भौतिक, रासायनिक, र जैविक गुणस्तर सुधार गर्न मद्दत गर्छ र बालीको उत्पादकत्वमा वृद्धि गर्दछ। यसमा लाभदायक सूक्ष्मजीवहरूको संख्या वृद्धि, पोषक तत्वहरूको धारण क्षमता, र माटोको पानी धारण गर्ने क्षमतामा सुधार समावेश छ। लेखमा बायोचार बनाउनका लागि आवश्यक सामग्री र प्रक्रिया प्रस्तुत गरिएको छ, जसले कृषकहरूलाई कम लागतमा स्थानीय स्रोतहरूको प्रयोग गरेर बायोचार बनाउन मद्दत गर्दछ। यसका साथै, बायोचारको सिधा प्रयोग र खाद्यतत्त्व मिश्रित प्रयोगका तरिकाहरू पनि वर्णन गरिएको छ। विभिन्न अनुसन्धानहरूले बायोचारको प्रयोगले उत्पादनमा सुधार ल्याएको र जलवायु परिवर्तनको असरलाई न्यूनीकरण गर्न महत्त्वपूर्ण योगदान पुर्याउने देखाएको छ। यसले दिगो खेतीलाई प्रवर्धन गर्न र रासायनिक मलको प्रयोग घटाउन महत्त्वपूर्ण भूमिका खेल्न सक्छ।